文：網友 Bobocat Wong
對唔住，我唔知王丹其實住嚮台灣，唔係美國。
今日見到好多認同我同反對我嘅留言，小妹都多謝賜教。
但基於本小姐「冇忍耐力兼唔包容」嘅性格缺陷，有一啲謬論係一定要駁斥嘅：
1. 南韓、以色列等有軍隊，所以可以隔住唔自由嘅鄰國而享有自由。香港不能。
答：香港的確冇軍隊可以阻攔侵略者，呢個係現實問題，現實問題就現實解決，譬如香港點可以抗衡軍事侵略？自己武裝定係靠人保護？而唔係思維上信服另一個強盗邏輯：「弱者唔配有自由！」男人呀？廿一世紀喇！咁你同黎棟國話弱質女子應該唔飲酒以免被性侵犯有乜分別呢？
2. 出席六四晚會，係對普世價值的認同，唔係對某一個族群的認同……
答：聽起黎好似好合理咁，係喎，普世價值喎，你唔係唔妥呀？你唔再去就係冷血、麻木，真係大罪呀！
（比喻）我想話，每年清明重陽，我基於孝順，都會去拜山，但係由舊年開始，我信左基督教，所以唔再去拜山喇，因為我唔再信人死後係遊魂野鬼需要金銀衣紙，咁代唔代表我數典忘祖，大逆不道呢？
簡單黎講，如果你話出席「六四晚會」＝「認同普世價值」，我會答你：「我唔信囉！」我而家相信：「李卓人、蔡耀昌等人搞嘅六四晚會，係麻痺香港人的意志多過紀念受害者同埋彰顯普世價值。」
最後，我想講，有人話去六四集會，係道德勇氣的展現。我認同。
但我真係唔想我嘅道德勇氣，年年都被曲解成一廂情願的愛國（中國）主義。
相反，香港人而家需要更大的道德勇氣，向侵略我們的中國及中國人說不，向纏擾多年的大中國主義說不，向污蔑本土為暴力和仇恨的歪理說不，向偽普世真封建的文棍政棍說不不不不不。
香港人，唾棄支聯會，另起爐灶，將六四的負面情緒化為保衛香港的正面能量吧！」
原文：http://www.facebook.com/bobocat.wong/posts/300227580111535
