2013年3月12日 星期二

曲曲得正,朗思正解——西人記大鬧中環




喂喂喂,對家出招攻擊「佔領中環」喇!土共專頁「反歪風·反暴民」推出「西人記—大鬧中環」改圖一張。

但係……點解朗思覺得係曲線支持多D呢?

呢張改圖明顯出自高手之作 (相信係上年梁營攻擊唐營的改圖班底),而且用西遊記做主題,寓意深遠——香港人爭取普選就如西天取經,排除萬難,降共魔、伏赤妖,最終修成正果、造福蒼生。

講講角色。戴教授演唐僧真係一絕,因為佢真係似羅家英演的版本——為宣揚佛法,長氣o尋氣,但畢竟出自善良本意。搵長毛做沙憎,比喻他獻身自由民主有一股傻勁,漫漫的民主長路需要唐僧沙僧這種無畏的苦行僧。

黃同學做齊天大聖,好明顯係土共對手唔抵得學民一班小朋友年少氣盛、un皮un肉打不死,仲夠薑夠號召力去"大鬧天宮"(12萬人包圍政總),相信黃同學都好like呢個casting。

最妙最妙o既係搵AV仁做八戒,外型100%match唔在講啦,用八戒喻白鴿黨就好比大中華派對民主中國的苦戀癡情,愛足20年最後變成「很想要吧?」的癡漢,甚至走入妖巢同共魔交易,最終都係得個桔,正所謂「多情自古空餘恨,此恨綿綿無絕期」(參考TVB黎耀祥演繹版本)。

「遺臭一萬年」就未必,中共想拖延普選拖足一萬年就肯定喇。但唔好忘記,周星馳最新作《西遊降魔篇》都已經改了slogn:「一萬年太久,只爭朝夕」,香港人對民主的渴求,都係「只爭朝夕」,冇得再拖!

經朗思解一解,係咪頓時覺得呢張圖「寓意深遠」得多呢。呼籲土共派造多D改圖,等朗思解多D毒,負負得正,曲曲成直,民主大業就靠大家了!

多謝各位收睇。




原圖:「反歪風·反暴民」
http://www.facebook.com/photo.php?fbid=556590601040030&set=a.523380411027716.121037.522230507809373&type=1&theater