昨日城大「佔領中環」論壇，愛港力暴力粗口大鬧會場，全港震怒！其實，昨日愛港之聲的成員都有到場，主要係撐老闆高達斌，但估唔到愛港力未開場已經按唔住火氣大吵大鬧，搶晒高老闆鏡不特止，仲搞到「愛港」組織的名聲"喎"晒。愛港力大鬧會場之時，愛港之聲在場成員如陳廣文、陳德隆、萬家強、Tony Man等人都在「食花生」，唔參與示威及離場時的罵戰。
一般人都分唔清愛港力同愛港之聲(另有分支「沉默之聲」)呢兩個組織，前者行動較激，後者有高老闆出錢出面出力，以維園阿伯及較溫和人士為主。
愛港之聲陳廣文今早在愛港力論壇上貼出有關昨日的報道，更暗示愛港力的激烈行為已過火，有個別愛港力成員、支持者連環向陳廣文發炮，辣妹陳淨心更聲言：你地愛港之聲繼續「坐定定」吧，愛港力會激落去。明串愛港之聲龜縮。
關於此事，知情線人又向朗思爆料，話愛港力與愛港之聲決裂一事，已由檯底升到檯面，以後好難行埋。以下是線人的PM內容(經過部分修飾，以免暴露身份)：
- 辣妹梗扯火la,高生的人都冇反應, 上星期好勇猛(註：指上星期真普選的踩場), 今日就縮晒.遞旗比佢都唔願舉
- 其實愛港力有人一直話愛港之聲冇用,又老又多女人,唔夠勇,惡唔出乜樣.懷疑他們有人系打工性質,所以唔賣力.
- 愛港之聲班人縮,可能同我的料(註:朗思製成3張起底圖)有關,愛港之聲成員被無故起底,有成員埋怨愛港力的人太激,累街坊,又引埋一班阿伯(維園阿伯，如黃榮)入黎,控制唔到場面.有女人(女成員)講到明,再搞落去,再唔同愛港力劃清界線,就會退出.
- 愛港力的人主要都係一班真心愛國的人,但次次收唔住火同人嘈交.又成日比人話收中共錢,佢地都好郁悶,同人解釋都冇用
- 愛港力好出力的義工,如ken,albet,standly(朗思註：活躍成員寇連生,Albert PK Lo與Stanley Yeung) 系出於愛國心,其實佢地憎死港獨,他們真系冇收人錢.但他們唔知,話事的人有收嘛.他們只是比人利用.
- 上年愛港力的晚飯,高生都帶晒之聲的人去,果時一班人都仲玩得開心.
- 在愛港力,辣妹當正自己大家姐,中意指指點點,唔受的人走了.以前逼得走Tony(朗思註：已退出的前召集人王智東),今日一樣可以踢走廣文,不爭在同之聲(愛港之聲)劃清,反正大家的老闆唔同.辣妹受老板賞識,唔怕玩激.但高生唔系咁睇啊.
【愛港力/愛港之聲/沉默之聲大起底】圖一：http://ppt.cc/OYRB
【愛港力/愛港之聲/沉默之聲大起底】圖二：http://ppt.cc/O1AN
【愛港力/愛港之聲/沉默之聲大起底】圖三：http://ppt.cc/25xw
