在單車世錦賽中國對手郭爽對我們香港的選手李慧詩駛出陰招騷擾，幸好李慧詩處變不驚，繼續沉著比賽，贏得賽事。
郭爽的「CHINA」頂住李慧詩的「香港區旗」，非常有象徵意味的畫面！你可以話呢個只係郭爽冇體育精神，比賽場上駛陰招亦係慣常事。但朗思諗到，其實無論係政府抑或係人民，中國對香港駛出的陰招，又何止在比賽場上？略略數幾個畀你聽……
- 劣客湧港 敗壞形象：中國客上千萬湧港，當中部分人行為荒誕不經、粗鄙惡劣。外國遊客會唔會以為佢地係香港人？
- 中共勢力 潛伏各界：呢個唔駛多講了，上至政府下至大學，all the party's men/women，更唔駛數埋果班"愛國愛港"的所謂港區政協人大了。
- 統戰種票 染污選舉：中共統戰部一手策劃「種票大躍進」，畀你「佔領中環」爭取到普選又有鬼用？中共種票操控選舉結果一樣搞掂你！喂喂喂，講到染污制度，仲有唔好忘記損害更勁的「人大釋法」。
- 縱容走私 民生遭殃：係囉係囉，學果班左膠話齋，走私客係平民所以要"包容"囉！如果冇深圳貪官包庇、冇689開放自由行，中國走私賊敢咁猖狂？我地香港人要同呢班中國賊搶奶粉？
- 偽冒港人 支持暴政：愛港力愛港之聲關愛青協，通通打著「愛香港」旗號撐中共暴政，講手又講粗口。幸得「潮吹辣妹」陳靜心在電視上一「嘟」成名，驚醒全港人。
中國對香港駛出的陰招，你仲可以數出更多嗎？
新聞：
無懼中國對手陰招騷擾 李慧詩增添世錦賽銅牌
http://thehousenews.com/olympics/李慧詩增添世錦賽銅牌/
